Меѓународното здружение за технологија во
образованието ги објави стандардите на
образовната технологија за наставници. Секако, стандардите се однесуваат на
земјите од развиениот свет, но не е лошо накратко да се запознаеме со тие
стандарди. Имено, овие стандарди ги вклучуваат вештините на наставникот за
21.век како што се: пронаоѓање и раководење со ресурси, објавување на интернет,
поврзување со колегите и учениците,родителите (Facebook,
Twitter…) како и со локалната , но и глобалната заедница. Наставниците би требало
вешто да ги користат овие вештини како би биле добар модел за учениците и како би им помогнале на учениците да се вклучат во овој вид на
учење. Овие вештини му овозможуваат на наставникот, но и на учениците активно
да учествуваат во некои од веб базираните алатки кои можат активно да се
користат во училниците (клучниот дел кој развиениот свет го одвојува од нас) и
да се разменуваат автентични идеи со останатите. Следи дијаграм кој зборува за
вештините кои би требало да ги задоволи еден наставник:
Да, ова секако
изгледа малку претерано, но за такви активности во суштина не е потребно многу
време. Потребно е да се истражи кои вештини се неопходни за нашиот
професионален живот и кои можеме да ги користиме во традиционалните, а кои во
виртуелните училници. За среќа, повеќето од овие алатки се едноставни за
употреба и можат да бидат совладани со малку или без никаква помош. Клучната
работа е размислувањето за педагошките аспекти на употребата на веб алатките и
нивното активно вклучување и користење во комуникација со учениците.
Доколку ги
поттикнеме учениците да ги користат овие алатки, можеме да им откриеме некои
нови и возбудливи начини на учење , нови стилови на учење, демонстрација на
наученото, промовирање на соработката, изградба на заедницата.
No comments:
Post a Comment